Nga miq te mire na erdhi në vëmendje ky tekst.
Sa mendoni se e gjeni veten në një besim të tillë ?
Unë besoj se jam SHQIPTAR etnik, me farë, me trashëgimni e me vetëdije sepse nuk mundem me kenë tjetër para vetvetes sime.
Unë besoj se qëllimi i Krijuesit, që njeriu duhet me e dashtë të afërmin e vet si vetveten, është themeli i përparimit, i begatimit dhe i zhvillimit të shoqërisë së vërtetë e të moralshme njerëzore në të gjithë kohët por më shumë sot se kurrë.
Unë besoj se Krijuesi i ka ndarë njerëzit në farë e në kombe që punojnë secili për vete, e kur duhet, edhe kundër kombit tjetër, sepse ashtu arrihet e mira që dëshëron njeriu por edhe qëllimi i Krijuesit.
Unë besoj tek Familja shqiptare. Si bartëse e vlerave etnike shqiptare, si farkëtuese dhe krijuese e shqiptarit si njeri shoqëror dhe si themeli i shoqërisë morale e vëllazërore, Familja dhe Nëna është e shenjtë.
Unë besoj tek Kombi Shqiptar si një familje e zgjeruar e shqiptarëve. Vetëm një komb shqiptar, që buron nga etnia dhe origjina etnike e përbashkët, që ndjek idealet e Rilindjes Kombëtare më mundëson që të jetoj me vetëdije, me vlera, me identitet dhe me moralin e duhur si njeri i barabartë që beson tek shqiptari tjetër si tek vetvetja.
Une besoj se e vetmja rrugë për ne shqiptarët për me përparue, me begatue e me kenë të lirë e me jetue me nder e me siguri është me punue për kombin tonë sepse ashtu garantojmë brezat dhe ardhmërinë..
Unë besoj se askush nuk mundet me jetue me mirëbesim e me respekt me shqiptarin tjetër nëse nuk pret që së bashku të bëjnë më të mirën, më të ndershmen, dhe garantues për këtë duhet të jetë morali i Kombit Shqiptar dhe ligji i Shtetit Shqiptar.
Unë besoj se vetëm rruga e vëllazërimit, e përbashkësisë shqiptare, e ndihmesës dhe e respektit, përtej pengesave, ndasive, bindjeve dhe kufijve artificialë, janë zgjidhja për me ruejtë vetveten dhe Familjen, me Kombin dhe me Shtetin Shqiptar dhe me sigurue lirinë, nderin e ardhmërinë. Unë besoj se cdo shqiptar ka të drejtën e lirisë, të nderit, të sigurisë së jetës, të shendetit e të edukimit, të punës e të përparimit si më i barabarti midis të barabartëve në shtet-kombin shqiptar.
Unë besoj se toka që na kanë lënë të parët është e shenjtë dhe e patjetërsueshme, se zot mbi pasuritë e natyrën është kombi dhe me të gjithsecili prej nesh, dhe se pasuria e shtet-kombit iu takon të gjithë shqiptarëve.
Unë besoj se jeta e gjithsecilit shqiptar do të bëhet si e meritojmë vetëm kur ne të kemi një shtet-komb që punon për shqiptarët, me shqiptarët që i janë besnikë atij shtet-kombi dhe që mbron interesat e shqiptarëve kudo që janë dhe me mirëkuptimin e dëshirueshëm për pakicat që jetojnë në shtet-kombin tonë.
Unë besoj se bota është e ndërtuar me shtet-kombe dhe se vetëm shtet-kombet i mbrojnë popujt nga skllavëria që të imponon interesi material pa identitet, shërbimi individual pa kushte ndaj të huajve, shfrytëzimi i jetës pa vlerë, shtazërimi mendor dhe ideologjitë e bindjet që tjetërsojnë shpirtin e vërtetë të shqiptarit.
Unë besoj se ata që punojnë kundër shqiptarëve e kundër shtet-kombit të tyre, edhe me kenë gjak i gjakut tim janë armiq për vdekje të shqiptarëve dhe duhet të marrin shpërblimin që meritojnë.